No.(1) lang na Netherland du WP myu sha ni a poidaw lamang hpe September,12,2009 shani hkying 1-3 pm hta Amsterdam mare kaba hta shanu nga ai Shd.Nhkum Sarram a dum nta nnan dingshawn shang hte hpawn rai nna wu wu di di galaw lai wa sai.
Laiwa sai 3 ning ram kaw na sha, du hpang wa ai WP sha ni, ya daini na ten hta yawng marai 36 rai wa sai lam hpe mung chyelu ai. Lam amyu myu yak hkak ai a majaw e poidaw lamang hpe kalang mi mung nlu galaw lai wa ai, rai tim ya daini kaw nna gaw anhte tsawra hkungga ai Rev. La Rip mung Karai a chyeju hte hpaji hpung jat na matu du sa wa ai marang e hpung masha marai 32 shang lawm ai shawng n-nan lang na poidaw lamang hpe galaw la lu sai re. Dai hta n ga, myu sha ni hpe matut nna makam masham lam hta kanu kawa tai lam madun ya na matu yawng kabu gara hkap tau hkalum la ga ai re.
Ndai lamang hte hpawn WP NL ni galaw sa wa na shawng lam lamang hpe mung bawng ban jahkrup lu sai re. Poidaw lamang hpe gaw shata lahkawng hta kalang mi htap htuk manu ai shara hta galaw na matu dawdan da lu saga ai. Ndai zawn rai zinlum ai lamang ni hpe galaw lu hkra ningpawt kaw na ap nawng nga ai tsawra hkungga ai Sara Yam Hpat Maw She hpe mung anhte yawng chyeju dum nga ga ai law.
Ndai Madu Yesu a shana shat sha poi gaw WP NL ni a labau shang lamang langai mi rai sai hpe mung myit dum chye shangun mayu ai re.
1 comment:
Netherland ni hpe grai n gun lu sai law.
Grau grau nna, KK bausin ai WP sha ni, KK ra sha
sharawng ai amyu sha ni byin tai mu ga,
ngu, akyu hpyi dat ai law.
majang jan
Jamung dan
Post a Comment