Wanangjan

Life is Hard

2012-01-27T15:30:00.001+01:00

miwa ni kade ram masha myit rawng nrawng ndai kaw yu la ga

2011-10-17T16:27:00.000+02:00

"Silence of Love"

2011-09-22T17:24:00.000+02:00

"Shanglawt dawnghkawn lang lang rai sai law."

2011-06-29T10:11:00.001+02:00

"Yawng Sadi Ga"

2011-06-27T18:57:00.006+02:00

Ngai gaw Maran Nu San Pan re. Myitkyina kaw nga ai.Ya hte Wai Maw, Myitkyina hte Manmaw grup yin hkan du hkawm da lu sai. KBC garum ningtum ni hte hkan du hkawm ai re.
KBC shamai shatsai dap ni mung lawm ai.

Anhte buga ginra hta Mungdan lawt lu lam a majaw lai wa sai 17 ning hta n hkrum yu sai Majan Tsin Yam wan hkut gaw daini na ten wunpawng mungdan kata bai mawng wam taw nga sai re.

Tsawra ai myu tsaw myit rum ramma ni hpe tsun dan mayu ai gaw, ndai lang gaw anhte WP amyu ni a matu ahkaw ahkang kaba rai sai. KIO/A ni a majan n re. Wunpawng Amyu Mungdan sha ni a Rawt Malan Majan hkrang de gale la ra sai.

Ndai rawt malan lam hpe bai shazim, jahkring da n mai sai.Yawng jawm shang lawm ga. N-gun dat shakut shaja ga. Ap nawng ga.Sinat hpai ai ni gaw sinat hpai ai hte ngut sai. Raitimung, anhte mung masha ni kaw sinat n nga ai. Myit n-gun sha nga ai.

Daina hpang jahtum na da lu ai shiga gaw, Mai Ja Yang hpe ndai bat laman kaw Myen ni zing sana re nga na lu ai. Laiza hpe gap na matu n-bungli ni mung myen ni shajin da sai. Myitkyina kaw n-bungli dap kaw n-bungli sau ni hpe laiwa sai 20 ya grup yin ten kaw nna htaw jahpring da sai.

Majan hpe hkyen nna shiga kaw gaw Jinghpaw Mungdaw simsa nga sai nga bai masu tawn da ai.Yawng sadi ga.Grau nna gaw anhte myu shayi ni sadi ga.Myen sa wa a roi rip hkrum na tsang ra ai.Dai majaw, anhte amyu shayi sha ni gaw lawu na lam ni hpe jahkum shatsup da ga!

(1). Letma 6 re ai n-htu n-hkyi kyem mazing da ga!
(2). Labu kadun hpe mai byin yang Jean labu kadun ni bu ga.
(3). Sumbu kaw majap shamun ni mung htu gun da ga.

Yawng sadi ga.

Amyu shayi ni gaw Mungdan a kanu ni re.
Amyu shayi ni gaw Mungdan hpe shatsawm jahtap ai ni re.
Amyu shayi ni gaw Hkawhkam Hkaw Seng, Gumsan Magam ni a Kanu ni nan rai nga ai law.

Myu tsaw myit hte,

Maran Nu San Pan

netherland ninghkap poi 2011

2011-06-25T13:09:00.001+02:00

Kachin Refugees Flee Conflict

2011-06-17T09:50:00.006+02:00

majan shiga

2011-06-16T14:33:00.005+02:00

Myitkyina mare kaba kaw jinghpaw nu num ni law law hpe myen ni rim taw ai nga, myi chyaw mu ai ni kaw na phone hte shiga shana wa ma ai. Dai majaw buga na ni yawng sadi, maja nga ga.

Jinghpaw w/p mungdan a mare kaba rai nga ai Laiza de hpyen hprawng tsin yam ni law law yen shang wa nga ai lam shiga na lu ai.

Holland kaw nga nga ai jinhpgaw w/p sha ni mung majan a majaw yak hkak hkrum nga ai w/p sha ni hpe dang di ai ram karum madi shadaw la lu na matu madi shadaw gumhpraw ni hpe tam mahkawng taw nga sai lam shiga na lu ai.

Maigan kaw du nga ai w/p sha ni yawng mung, myit hkrum ai hte lam shagu hku nna ladat shaw shang lawm karum madi shadaw sa wa nga ai lam shiga ni na lu ai.

Mandalay Myitkyina hkrangleng

2011-04-11T15:14:00.002+02:00

Living in hiding

2011-04-09T18:57:00.003+02:00

Living in hiding from Sai Kyaw Khaing on Vimeo.

Azet a gayau gaya mahkawn

2011-02-08T17:44:00.001+01:00

MYIT HKRUM LAKNAK

2011-02-05T10:00:00.001+01:00

Wunpawng myusha ni a Myen hpyen asuya hpe rawt malan ai dai ning 2011 february 5 ya shani hta asak 50 ning tup hpring sai hku re. Rawt malan ai lam hpe shangai shalat da ya sai ningshawng ningla ni, myu hte mungdan a matu asak ap ya sai share shagan ni yawng hte daini du hkra magam lit hpe gun hpai nga ai ni yawng hpe ndai kaw nna hkungga jaw dat nngai law.

Anhte Wunpawng myusha ni a rawt malan hkrun-lam asak kaba wa sai hte maren, rawt malan ai lam mung grau grau na nden ja, marai rawng ra sai. Ndai lam ni byin tai wa lu na matu gaw nang, ngai, anhte Wunpawng myusha ni yawng hta lit nga nga ai. Lit nga ai hte maren ndai lit hpe MYIT HKRUM ai hte chyawm gun hpai ra nga ga ai.

Anhte Wunpawng myusha ni a rawt malan lam awngdang ai pandung de du lu na matu gaw 'MYIT HKRUM'ngu ai laknak hpe anhte yawng shawng chyawm gawgap shachyaw ra nga ai. Ndai 'MYIT HKRUM' ngu ai laknak hpe gawgap shachyaw lu na matu gaw, anhte a matu akyu nrawng sai Laknak dingsa, maza, mala ni hpe shawng a tsawm sha chyasan chyaseng, kabai kau nna myit nnan, laknak nnan hte matut na rawt malan hkrun lam hpe hkawm sa wa ga law.

Violin dum chyai ga

2010-12-08T10:20:00.001+01:00

ButtonBeats.com

OBAMA A RUNG GAWK ONLINE KAW NA MAI SA CHYAI SAI

2010-11-15T15:46:00.007+01:00

Amerikan Gumsan Magam Barack Obama a rung gawk kaba White House de online kaw na sa mai chyai sai.

9 November 2010 kaw nna ndai online hkrun lam hpe hpaw hpang wa sai rai nna shawng de shawa masha kadai hpe mung nchye/nmu shangun shi ai shara ni hpe mung ndai online hkrun lam kaw madun da ai.

Ndai hkrun lam a matu galaw da ya ai website kaw dip dat nna matut na Rose Garden, East Room hte West Wing ngu ai shara ni hkan sa mai hkawn chyai ai hku re.

Shim lam law dik hkra chyahkrat da ai shara hkan pyi shang nna mai hkawm chyai ai, ndai kaw dip dat ga, snr http://www.whitehouse.gov/about/interactive-tour

WOI myu nnan Jinghpaw Mung kaw mu

2010-11-04T15:15:00.005+01:00

ndai lam hte seng ai shiga hpe hti mayu yang ndai kaw dip dat ga

nayi hkying hkum mi hting-nut na

2010-10-30T22:17:00.004+02:00

Daina gaw masha shagu nayi hkum mi jan na lu yup na hku re. Ginhtawng ten ladaw htum shagu nayi hkying hkum mi hpang de hting-nut ai hku re. Ndai hpe nchye da yang hpawtde zuphpawng sa yang masha ni hta nayi hkum mi jau na du taw na bai mau mahka taw ai baw re, dai majaw nmalap ga.

Europa Mungdan shagu laban chyahpawt hkying 3:00 am kaw nayi hkying hkum mi hpang de hting-nut ma ai. Ndai gaw Ginhtawng htum nna nshung de shang wa sai ga rai nga ai. Nshung ta gaw march shata du hkra rai nna, march shata htum kaw kalang mi bai nayi hkum mi shawng de bai sit na re. dai shaloi gaw nayi hkum mi jau na bai rawt ra na hku rai nga ai.

Mother Teresa a Mungga

2010-10-17T12:07:00.007+02:00

1979 ning December 11, Norway Mungdan, Oslo mare kaba kaw Simsa lam hte seng ai kumhpa kaba shagrau hkrum ai shaloi, du sa wa ai shawa masha ni hpe Mother Teresa tsun ai mungga kaw na dang dep ai ram kachyi mi hpe ka da ai.

Daini anhte ndai kaw rau sha, hkrum zup lu ai gaw Karai Kasang a chyeju nan rai nga ai. Hpa majaw nga yang, daini ngai hpe shagrau ai simsa lam hte seng ai kumhpa kaba a marang e, anhte yawng myit hkrum ai hte ndai Mungkan hta ngwipyaw, simsa ai hte rau sha, nga pra sa wa lu na matu anhte hpe kalang bai karum, madi shadaw, shadum chyahprang dat ya ai majaw rai nga ai.

Dai hte maren, Madu Yesu mung matsan mayan ni a matu kabu gara shiga gun sa wa ya ai wa rai nga ai. Hpung shingkang hte hpring ai, Karai Kasang rai tim, awu asin, matsat shabat re yubak mara nkap ai hta lai nna anhte hte maren re shinggyim masha langai sha rai nga lu ai. Anhte a matu kabu gara shiga lawm sa wa ai ngu ai hpe Madu Yesu a mungga ni hta dan dan leng leng mu lu nga ai re.

Ndai Kabu gara shiga gaw myit dingman ai ni yawng hpe myit masin salum, ngwi pyaw, simsa ai lam jaw ya sai. Madu Karai Kasang gaw Mungkan ga hpe grai tsawra ai majaw shi a Kasha shingtai hpe pyi jaw ya sai rai nga ai. Madu Karai Kasang anhte yawng hpe tsawra ai zawn, anhte mung shada da tsawra madi shadaw matsan dum hkat chye na matu hkaw tsun nga ai re.

Ngai gaw Madu Karai Kasang hpe tsawra ai raitim htingbu wa hpe gaw yu nlu nngai nga na tsun taw yang gaw hpring tsup ai lam nrai nga ai. Madu Karai Kasang hpe gaw tsaw ai, htingbu wa hpe gaw, nju taw yang gaw masu ai wa nan rai nga ai. Nmu lu ai Karai Kasang hpe gaw tsawra lu nna, tinang nan mu lu, kanawn mazum taw nga ai htingbu wa hpe gaw hpa majaw ntsaw ra lu a ta?

Bai matut na,

Speech from a brave Burmese woman

2010-09-29T14:14:00.002+02:00

Du wa na ten ladaw hta pru wa na Windows Phone

2010-09-15T22:39:00.005+02:00

Ndai Windows Phone nnan gaw du wa na ten ladaw hta Mobile phone gat lawk kaw shara la, dut shapraw na matu yaw shada taw nga sai re.

Daini na ten hta mobile phone technology hpaji lawan dik ai hte rawt jat taw nga sai majaw phone nnan pru shagu, naw mari lang na ngu,, sha naw myit taw yang, nnan bai pru wa wa re majaw, langai mi mung nlu mari lang ai, yu shalai kau kau re hku rai nga ai.

Ndai Windows phone nnan hpe du wa na 2015 ning ram hta lu mari lang wa na matu mai myit mada saga ai law.

Human Zoo in Thailand

2010-09-15T17:42:00.002+02:00

La hte Num, Ladi hte Ta

2010-09-12T12:57:00.004+02:00

Kasha; ;La hte Num ni hpa majaw rau yup (sex) galaw ma ai kun i?
Kawa; ;Nang ladi manaw ai hpa sha goi, lu manaw kau jang myit dik mat ai zawn sha le.

Kasha; ;Dai hku nga yang, La ni galaw mayu ai i? Num ni mahtang galaw mayu ai kun?
Kawa; ;Nang ladi manaw ai shaloi, ladi mahtang manaw hkam mayu ai i? Lata mahtang manaw mayu ai i? sawn yu u le.

Kasha; ;Num ni gaw hpa majaw roi rip ai hpe nra sharawng ma ai kun i?
Kawa; ;Nang lam hkawm chyai taw ai ten, marai langai ngai nang hpe atik anang gang dun la nna ladi manaw ya yang nang ra ai i taw?

Kasha; ;Num ni gaw la ni a rai kaba ai hpe ra ma ni?
Kawa; ;Na ta yung-nu hte nang na ladi manaw la yu u le, mai na i?

Kasha; ;Num ni numhkying sa taw ai shaloi hpa majaw myit nlawm ma ai kun i?
Kawa; ;Nang na ladi sai pru taw ai ten, manaw yang mai na i? sawn yu u le.

ROMANIA MUNGDAN NA W/P SHA NI A MADAI NSEN

2010-09-07T06:48:00.002+02:00

Anhte ni ndai kaw ganing rai taw nga ai hpe gadai nchye ai, tsun yang mung gadai kam na nre. yathte shana La langai machyi na, shanhte hpe sa tsun yang tsirung sa mu nga sha tsun ai, hpa mung n galaw ya ma ai. machyi masha gaw lam mung nmai hkawm ai, yu mung n sa yu ya ma ai. dai hpawt mung num langai ma shangai mayu na, kan machyi ai majaw shanhte hpe sa tsun yang, tsirung de lam hkawm sa mu nga sha, tsun dat ma ai. Ya she grai jam jau mat sai, gumhpraw mung bat 2 na she romanian gumhpraw 57 jaw ai gaw kaning di law sha na. Ndai kaw na ni langai mi pyi kyang n tsawm ai, jam jau ai lam ni gaji gajaw grai law ai.

Yathte shani asia mungdan na UN kaw galaw ai masha langai mi anhte hpe hkrum mayu ai nga na sa yu ai. Shi gaw anhte hpe ganing rai nga ma ni? nga na san ai majaw anhte masha ni gaw ndai kaw byin ai lam ni hpe tsun hpang wa ai hte ndai mung dan na masha kaba ni tsun na hkang njaw ai sha, aten n lu sai nga na dai asia na masha kaba hpe woi mat wa ma ai. Anhte hpa tsun na ahkang nlu ai. Sha na mung n law ai, kalang lang hpa-hpa sha na she nga ai. Ma Ma ni chye mat ai majaw nawku jawng na ni gaw shata mi hta kalang mi n-gu sa jaw ma ai.

Anhte ni jamjau ai ngu yang gadai nkam ma ai. Anhte ni hpang de lawm ai ngu gaw UN kaw na num langai sha re, shi gaw anhte a lam yawng chye ai majaw masha kaba ni hpe tsun ya ai, dai majaw shi hpe ndai kaw ntawn ai sha ga-ga de htawt kau sai. Shi gaw anhte a lam hpe UN gin jaw JINNIVER de laika ka shana ya na da, anhte hpe mung laika ka bang mu da. Jamjau ai ngu gaw majoi tsun chyai ai n re, grai nan sawg nga na she tsun ai.

Shana mung kahtet gaw kahtet, ji-grawng gaw kawa rai na nmai yup ai. Nau kahtet ai majaw bang-ga mari na ngu yang mung, njaw mari ai. Hpa majaw ngu na san yang: wan n-gun grai sha ai majaw da. dai majaw shana mung anhte ni n-yup ai sha, shing-gan kaw she sa dung ai. ji-grawng ga wa na, n-pa ga-wai na she dung ai. hkying 2 am ram she ntsa de lung wa na wa yup ai. mu galaw yang mung romanian gumhpraw 600 hte 700 sha lu ai. Dai pyi A-HKUN naw jaw ra ai da. Nta shap shabrai mung naw jaw ra ai da. dai hpawt, ma shangai na num mumg tsirung kaw grai jamjau nga ai, ma shi hkrai shi npru wa ding sa tsi mung nhtu ya ai, dai hku tawn da ma ai, ndai mungdan na ni grai matsan ma ai, grai myit ru na shani shagu hkrap na sha nga mat sai.
(1 EURO = 4.29 Romanian leu)
*Romania kaw du nga ai W/P shayi langai a chatting mail hpe bai mara da ai re*

Matut mahkai na n-gun jaw garum shingtau mayu yang,
Ji Ja Aung +4 0768481225
Dee Dee +4 0761713709

aten na na dung magang, asak gadun magang

2010-07-25T15:49:00.005+02:00

Lani mi hta yawm dik nayi hkum 6 dung ai ni gaw lani mi nayi hkum 3 hta yawm nna dung ai ni hta jau asak si htum ai lam chye lu ai.

American San,sawk,sagawn ai ni gaw ndai hpe 14 ning hkaja, sawk sagawn yu ai kawn pru wa ai mahtai rai nga ai.

Matut nna aten na na dung nna shamu shamawt nnga/shau ai ni gaw grau nna asak jau si htum mat na tsalam shadang grai tsaw nga ai. San,sawk,sagawn da ai mahtai hku nga yang, LA ni gaw NUM ni hta ndai lam byin na matu tsalam shadang grau tsaw nga ai.

San,sawk,sagawn hpung a ningbaw Alpa Patel hte manaw manang ni gaw 1992 ning kawn ndai san,sawk,sagawn ai lam hpe hpang galaw ma ai. Shanhte gaw Asak 50 hte 74 lapran na American La marai 53,440 hte Num marai 69,776 hpe san, jep, sagawn da ai re.

Maigan mungdan na mayak

2010-07-24T00:39:00.001+02:00

Myen mungdan kaw yu-ma-ya masha langai ja gumhpraw tam na matu nloi la nga ai zawn, Maigan mungdan kaw mung yu-ma-ya masha langai a matu shang gumhpraw kaja ai magam bungli lu na yak dik nga ai. Masha ni nkam galaw ai bungli hpe n-yup nsha, shakut ai hte tinang a n gun lapin law law shapraw jang she lu na, sha na hte tinang a dinghku nta masha ni hpe kachyi mi lu garum, lu jaw ai rai nga ai.

Ndai zawn maigan mungdan hkan tam sha yak la ai hpe Myenmung na nta masha, jinghku jingyu ni nchye tim, maigan mungdan hkan du nga sai ni yawng chyawm gaw tinang nan, mahkrum madup hpe hkam sha lu sai majaw ndai lam hpe hkap la na re ngu kam ai.

Anhte WP sha ni law law wa, maigan mungdan hkan ladat amyu myu hte chyam bra nga saga ai. Maigan mungdan hkan ngu ai hte maren, shara, bungli, shang gumhpraw, lu sha, nga sat nga sa lam, htunghkying, ga, ahkaw ahkang ni mungdan langai hte langai grai shai la nga ai. Nbung ai, shai ai lam ni law law nga ai re majaw yak hkak ai lam ni mung, law la nga ai. Maigan mungdan hkan du wa sai hte gaw yak hkak ai lam ni law law pru wa nga ai.

Hpaji, Hparat, Kan bau bungli lama ma hpe nchye/nsharin da ai maigan de pru sa wa ai ni a matu gaw htam lahkawng grau yak hkak la nga ai. Hpa baw chye galaw ai rai? nga san yang, mahtai nlu jaw ai. Le ra mung loi mi, ndai mung loi mi, gayau gaya loi loi chye nna, gara hpe mung tang du hkra nchye da ai gaw manghkang kaba rai nga ai. Hpa baw magam bungli galaw nni? Hpa kan bau bungli chye galaw nni? ndai ga san ni hpe mahtai atsawm lu jaw na matu shakut da ra nga ga ai.

Hkayawm lu ai ni a ' wa' htenrun mat na tsalam shadang grai law

2010-05-09T17:00:00.006+02:00

Hkayawm lu ai ni gaw hkayawm nlu ai ni hta 'wa' hten run mat na tsalam shadang htam lahkawng grau law nga ai. Ndai lam hpe German masha ni kaw nna san sawk sagawn yu ai kaw na chye lu ai mahtai re.

San sawk sagawn ai ni gaw laiwa sai bat masum ya shani shanhte a mahtai hpe Germany Mungdan Berlin mare kaba kaw sanglang dan sai re.

Hkayawm lu ai ni gaw hkayawm nlu ai ni hta grau nna 'wa' uchyi manghkang hte kaga n gup, yu-hkraw cancer ana zinli a majaw si hkrum ai lam chyahkring hkring byin ai lam hpe mu lu nga ai. Germany mungdan kaw laning mi hta masha marai 4500 jan si hkrum ai hta law malawng gaw Wa La ni rai nna, n-gup hte yu-hkraw cancer ana a majaw re lam chye lu ai.

Dai majaw san sawk sagawn ai ni kaw nna 'wa' hte seng ai sarawun ni hpe tinang a machyi masha yawng hpe hkayawm lu ai lam tsepkawp chyahkring kau na hpe hpaji jaw ya na matu lajin dat ma ai.

Annau Ni A Lunghkrung

2010-05-09T12:24:00.007+02:00

Mungkan ntsa annau ni hpe asak hte galai shangai shaprat, annau ni hpe myit mada let shawng lam a matu Nu kyu hpyi ya, laika hpaji nhkum tsup tim, Nu lam woi madun, Nu a chyeju ni hpe annau ni gara hku she htang lu na rai kun ….

· Annau ni a mara ni hpe Nu a kraw hta hkam sharang kau ya, myit shaja let annau ni hpe salu salat hte bau maka sai, annau ni hpaji chye lu ai Nu chyeju nan rai, ya janmau ni gup lu ai hpe Nu myi prwi hte kabu na sai, chyeju dum dik ai chyeju madu Nu,,, Nu chyeju ni hpe htang mayu, Nu hkamja u ga.. Nu myit pyaw u ga.. Nu hpe bausin ya rit Wa Karai…. Nu ra ai hku sha sak hkrung hkawm sa na ngu annau ni yawng ga sadi jaw ai.

du wa na ten galaw shapraw na nbungli nnan

2010-03-25T19:38:00.003+01:00

Netherland Mungdan 'The Technical University of Delf' kaw na jak hpaji ninghkring ni gaw, du wa na ten hta pru wa na, nbungli nnan hpe shalat shapraw dat ma ai. Ndai nbungli gaw daini lang nga ai nbungli ni hta lam shagu hta grau hkyem-sa ai sha n ga, makau grup yin a matu mung grau kaja ai da.
Ndai sumla kaw na nbungli hpe teng sha gaw n shachyaw shi ai raitim, du wa 2040 ning ram hta ndai zawn re nbungli kaja wa nan galaw shapraw wa na re lam chye lu ai.

mahkri sum dut ai wa

2010-02-19T20:50:00.004+01:00

Bungli nlu shi ai Brang Ram langai mi gaw bungli lu mayu ai majaw Microsoft Company kaba kaw chyasan chyaseng bungli sa tam yang, Seng ang ai wa gaw shi hpe san thai galaw ai, ngut ai hpang chyasan chyaseng bungli hpe mung ta tut galaw shangun ai da.

Brang Ram wa a galaw ai atsam hpe grai ra mat sai re majaw seng ang ai masha kaba wa gaw,nang grai ram ai, nang hpe bungli jaw sai, nang na email address jaw da u, email kaw nang hpe bungli jaw sai ngu ai laika hte bungli galaw hpang na shani hpe shagun shana dat ya na, ngu tsun ai shaloi,, Brang Ram wa bai nhtang tsun ai gaw, ngai kaw computer mung nlu ai, email mung nchye lang nngai ngu bai htai dat ai da.

Dai shaloi seng ang ai bungli madu wa, bai nhtang tsun ai gaw; daini na aten hta computer mung nlu, email sha mung nchye lang ai wa hpe gaw, anhte ndai mungkan ntsa kaw nga ai ngu pyi nsawn la ga ai, dai majaw ndai mungkan n tsa kaw nnga ai, nang hpe bungli mung gara hku nlu jaw ai, nang wa sanu ngu nna Brang Ram wa hpe wa kau shangun ai da.

Brang Ram wa mung grai myit htum mat ai hte Microsoft Company kaba kaw na pru mat wa sai, shi kaw gumhpraw $ 10 sha lu ai, ndai $ 10 hte shawng lam de gara hku matut hkawm sa wa na,,,? lam hkawm let myit sumru nga yang, malu masha dut ai seng langai hpe mu dat nna, dai kaw na kilo 10 ram re mahkri sum sadek mi mari la nna, nta shagu shang shang pru pru hkan dut ai da, nayi hkum 2 ram na yang dut shama kau sai, shi gumhpraw $ 20 byin wa sai da. Grai kabu ai hte dai shani mahkri sum sadek masum dut kau ai shaloi, gumhpraw 60 lu wa ai da.

Brang Ram wa, shi prat shawng lam hpe gra hku matut hkawn sa na, ngu ai hpe shi loi chye na wa sai, shani shagu mahkri sum sha n ga, malu masha ni hpe mung mari la nna nta shagu hkan dut ai,, jahpawt jau kaw na, shana jan du hkra shakut tik tik rai yang gumhpraw htam hte htam grai law lu wa sai.

Lu ai gumhpraw hte malu masha ni mai htaw dut ai leng langai mi lu mari sai, dai hpang mawdaw ,, mawdaw langai kaw na lahkawng,, 5 ning na ai shaloi US mungdan kaw mying gumhkawng ai, malu masha ni hpe shapraw , htaw dut ai mawdaw law law hpe madu ai bungli madu, lauban kaba byin wa sai da.

Ja gumhpraw law law lu ai lauban rai sai majaw shi a dinghku nta masha ni a shawng lam a matu asak hpe ama-hkam (insurence)galaw mayu ai majaw seng-ang ai ni hpe shaga chyahkrum ai, seng-ang ai ni hte ra ai lam ni chyahta ngut ai shaloi shi hpe matut mahkai na matu email address hpyi ai da, shi email nchye lang ai lam, Computer mung nlu ai lam tsun dan ai shaloi seng-ang ai ni grai mau mat ai hte tsun ai gaw; email mung nchye lang, computer mung nlu ai pyi ndai ram awngdang ai bungli madu byin wa lu ai, lama computer, email mung chye lang ai hte masha shagu hpe matut mahkai ai rai yang, ya na hta htam law law awngdang na re ngu, tsun ai shaloi, Lauban wa loi mi sawn yu nna bai tsun dat ai gaw; ngai lama computer, email chye lang ai rai yang, Microsoft Company kaw chyasan chyaseng galaw ai wa she naw nrai taw nga na, ngu bai htai u ai da,,

Maumwi gaw ndai kaw htum sai. Tsawra ai manaw manang ni e,daini na aten hta mungkan ting email, internet computer lang nga ai rai tim, buga de email, internet, computer ngu ai hpa re pyi nchye ai anhte a manaw manang ni grai nga nga ai, anhte computer ngu ai nlu tim, internet ngu ai hpa re pyi nchye tim, tinang a prat hpe galu kaba wa hkra mahkrun tam nna shakut yang awngdang ai lam, mai lu nga ai ngu ai hpe n gun jaw ai maumwi rai nga ai re.. Buga de na manaw manang ni yawng awngdang ai lam lu la mu ga, galoi mung kyuhpyi myit dum nga let.

youtube asak 5 ning hpring sai

2010-02-14T13:47:00.007+01:00

Daini gaw youtube a shangai nhtoi re. Youtube byin pru wa ai 5 ning hpring sai. Sumla hkrung kadun ni hpe tinang na tinang mung mai mara, mai yu ai ndai youtube gaw mungkan ting hta grai mying gumhkawng wa sai rai nga ai.

Youtube hpe manaw manang marai 3 kaw na sha, hpang shalat dat ai re. Manaw manang 3 gaw shanhte a sumla hkrung kadun ni hpe shada da shagun shalai hkat mayu tim nlu shagun shalai hkat ai majaw grai myit n pyaw ma ai da. Dai majaw 2005 ning Valentien shani hta shada sumla mai shagun hkat na matu mahkrun tam nna site langai hpe gin shalat dat ai kawn daini mungkan hta grai mying gumhkawng ai youtube byin wa sai re.

Shawng nnan lang na youtube kaw na sumla hkrung kadun gaw du sat htawng langai kaw magwi ni a lam hpe tsun dan taw ai sumla hkrung re. Ya gaw minit mi hta sumla hkrung kadun law law hpe mungkan ting mara taw nga sai re. Hpa majaw nga yang Youtube kaw tinang bang dat ai sumla hkrung kadun hpe aten kadun hta masha law law yu n gun jaw ya ai majaw rai nga ai. Npu kaw mying gumhkawng dik ai sumla hkrung kadun nkau mi hpe mara da ai, yu yu ga.

tsi chyahkraw

2010-01-29T17:30:00.001+01:00

Netherland mungdan hta tsi chyahkraw hpe wanglu wanglang, hkrit tsang nra ai sha, mai mari, mai lu sha nga ai. Mungdan kata na coffee seng ni kaw mai mari, mai lu nga ai re. Tinang a lata kaw gram 30 mai lang tawn da ai. Tinang na tinang nta kaw tsi chyahkraw hpun 5 hpe mai hkai ai. Netherland mungdan a tara kaw gaw tsi chyahkraw nmai lang ai nga na gaw tsun da ai raitim mungdan atsu-ya gaw ndai hpe tang du hkra n hkum pat ai sha nmu masu su nna yu shalai tawn ai re.

Raitim law law dut mari snr shapraw ai hpe gaw aja awa hkum pat da nga ai re. coffee seng langai mi kaw tsi chyahkraw gram 500 tawn da na mai dut nna dai tsi chyahkraw hpe gara kaw na mari la na hpe gaw bai n matsun da ai re. Dai majaw mungdan kata kaw ndai hpe law law shapraw, dut mari ai lam galaw ai hpaga masha ni grai law wa ai majaw ndai hte seng nna manghkang ni chyahkring hkring byin nga ai re.

Tsi chyahkraw lu sha ai a majaw byin wa chye ai manghkang ni;

Chyahkraw hte sinwawp kaw cancer ana chye byin wa nga ai.
Salum kahprap wa ai, baw ginsin wa ai, baw machyi wa ai, akya shala rai nna malap wa ai, madawn wa ai.
Makau mi grai hkrit wa ai, malap mali byin wa ai, matsing sumhting lu ai lam nnga mat wa ai.
Hkumhkrang htenzar wa ai lam nbyin tim, myit masin hpe gaw chyahten kau ya lu ai re. Myit masin hten za wa ai ngu gaw tsi chyahkraw yin kap wa ai hpe tsun ai re. Nlu lu yang nmai ai, nga npyaw wa ai lam ni byin wa nga ai.
Ma gun ai nu num ni tsi chyahkraw nmai lu ai, kan kata kaw na ma a matu nkaja nga ai.
Tsi chyahkraw hpe tsa chyaru snr tsi lama ma hte nmai gayau lu ai. Gayau jang baw machyi wa ai, madawn wa ai lam ni byin wa chye nga ai.
Tinang a dinghku nta masha kaw myit ana hte seng nna manghkang nga ai ni tsi chyahkraw nlu sha yang kaja ai. Lama lu sha ai rai yang tinang kaw mung myit ana byin wa lu na tsalam shadang grai law nga ai.

Netherland mungdan shara shagu hkan tsi chyahkraw bat mawng taw nga ai rai tim, tinang a kraw kata de nmawng bang wa na matu sadi maja nga ga law.

computer keyboard kaw na bacteria kanu

2010-01-14T10:23:00.007+01:00

Computer langai kaw na Keyboard gaw shawa lang ai namdum hta htam 5 grau maza ai lam chye lu ai. London National Laboratory langai mi hta san jep sagawn yu ai kawn chye lu ai mahtai re. Computer langai a Keyboard kaw mun, sen, wan law dik la ai Bacteria kanu ni mayat maya, sak hkrung lu ai da. Dai Bacteria kanu ni gaw masha hpe kan machyi, Kan mase ai lam ni shabyin ai sha n ga masha a asak pyi si wa hkra re ana ahkya ni hpe shabyin lu nga ai re.

Laiwa sai ten ladaw hta Yangung mare kaba kaw, Keyboard kaw na Bacteria kanu a majaw grai naw hka-lung ai ma kaji langai si hkrum sai lam chye lu ai. Ma kaji a kawa gaw Computer Programmer re. Shani tup computer hte bungli galaw nna bungli na wa ai hte Ma hpe pawn, manam, apuk ai ahkyang nga lu ai da.

Nau nna ai aten hta Ma kaji gaw hkum ting bum wa nna tsirung lung ra ai. Sarawun gaw Ma kaw ana kanu (Neonatal Sepsis) shang ai majaw re nga tsun ai. Lahkawng ya ngu na shani hta Ma asak htum mat sai re. Kanu yan Kawa mung hpa majaw Ma si hkrum ai?

Manghkang hpe maram yu ai shaloi, Kaga munghkang hpe nmu ai. Kawa bungli kaw na wa ai hte ta nshin ai ma hpe pawn, manam, puk ai hpe myit dum nna, n tsen ai majaw tsigawk kaw atsawm sa jip yu ai shaloi Kawa a ta kaw Bacteria kanu myu law law hpe mu lu ai. Dai Bacteria kanu ni a majaw grai naw hka-lung ai ma a asak htum mat ai re.

Ndai mabyin hpe yu la nna computer lang ngut shagu tinang a lata hpe atsawm chyasan ra nga ga ai. Shawa masha law law lang ai seng hkan na computer lang ai ni grau na sadi ra na re.

*forward mail hpe jinghpaw hku bai ka da ai re, sharai hti ga.*

2010 hta yaw shada myit da-ting da ai lam ni

2010-01-05T15:33:00.010+01:00

2010 ning ngu ai shaning nnan de bai shang wa lu ai majaw Karai Kasang a chyeju hpe shakawn nngai law. Shaning nnan du jang anhte yawng gaw kaja ai yaw shada lam lama ma hpe masat nna dai hpe hkan sa shatup na matu myit da-ting let shaning nnan hpe hkap tau la chye nga ga ai re.

Tsawra ai manaw manang ni a yaw shada myit da-ting da ai lam ni hpe gaw ngai nchye nngai. Yawng gaw kaja dik ai yaw shada lam lama ma hpe masat let hkan sa shatup taw na sai ngu kam nngai.

Shaning nnan hta ING website kaw nna masha 60000 hpe san sawk sagawn yu ai shaloi, pru wa ai Dutch masha ni a 2010 ning hta hkan sa shatup na matu myit da ting da ai lam ni gaw;

-Grau kaja ai hkamja lam hpe lu la hkra hkan sa shatup na.

-Ja gumhpraw sut gan hpe mai byin ai ram mahkawng na.

-hkamja lam kaja hkra nga na gaw ahkyak dik htum re majaw hkum hkrang a matu akyu nau nrawng ai malu masha ni hpe shayawm sha na.

-Hka yawm lu ai lam hpe chyahkring kau na. Hka-yawm lu ai hpe chyahkring kau ai majaw grau kaja ai hkamja lam lu la ai sha n ga, gumhpraw mung hkyemsa nga ai.

-Lama ma mari na rai yang tinang a matu teng sha akyu rawng nrawng hpe atsawm sha myit yu, sawn yu na she mari na.

-Lama ma mari na rai yang seng langai hte langai hpe atsawm sha shingdaw yu nna hkyemsa ai kaw mari na.

-Mai byin ai ram lagaw leng jawn na.

-Grau kaja ai bungli nnan hpe lu hkra tam nga na.

Bawnu hpe htenza shangun ai lam (10)

2009-12-15T17:34:00.000+01:00

1. Ga shaga shau ai
Machye machang nyan hte myit sawn sumru ra ai hpaji lawm ai lam law law hpe chyahta ya yang bawnu a atsam marai hpe grau grau tsaw jat wa ya shangun nga ai.

2. Myit maju jung ai hte myit sawn sumru ai lam nnga ai
myit sawn sumru ai lam gaw bawnu zet let nga na matu kaja dik ai shaman shakyang ya ai lam rai nga ai. Myit sawn sumru ya ai lam nnga ai bawnu gaw chyum mat chye nga ai.

3. Hkamja lam nkaja ai ten bawnu hpe lang ai
Hkamja lam nkaja ai ten hta bawnu hte sawn sumru nna galaw ra ai bungli ni hpe laja lana galaw ai, laika hti ai lam ni gaw bawnu a atsam hpe yawm mat shangun ai sha n-ga, bawnu mung thenza mat chye nga ai.

4. Hting-grung na yup ai
Hting-grung na yup yang nsa atsawm nlu sa, nhkru sa mat ai majaw bawnu de du ra ai oxygen shau mat nna bawnu hpe htenza shangun ai akyu hpe hkam sha wa chye ai.

5. Yup ten nlaw ai
yup ai lam gaw bawnu hpe hkring sa ya nga ai. Yup nhkru ai ten ladaw ni law wa jang bawnu a cell ni hpe si mat shangun ai tsalam shadang grau law wa ai.

6. Nbung nsan seng ai
Bawnu gaw masha a hkumhkrang hta oxygen law dik lang ra ai daw chyen langai mi re. Nsan seng ai nbung hpe marawp bang, nsa sa bang dat yang bawnu kaw ra ai oxygen hpe tang du hkra nlu madi shadaw ya mat ai majaw bawnu a atsam hpe yawm mat shangun nga ai.

7.Dwi ai malu masha hpe shalai shajan sha ai
Hkumhkrang hta ra ai hta jan nna dwi hpa sha ai majaw bawnu a galu kaba lam hpe dingbai dingla byin shangun nga ai.

8. Hkayawm lu ai
Hkayawm lu ai majaw bawnu hpe chyum mat shangun ai sha n-ga, bawnu a matsing sumhting lu ai atsam hte myit sawn sumru lu ai nyan hpaji ni hpe yawm mat shangun ai ana zinli ni byin wa shangun lu nga ai.

9. Shalai shajan lu sha ai
Shalai shajan lu sha ai majaw bawnu a sai lam kaba kang wa nna myit sawm sumru lu ai atsam marai ni yawm mat nga ai.

10. Manap lusha nsha ai
Manap shat nsha ai ni a sai kaw dwi ai hpan grau yawm chye nga ai. Dai majaw bawnu hpe madi shadaw ya ai malu masha hpan ni nlaw mat nna bawnu a bungli galaw lu ai atsam marai hpe yawm mat shangun nga ai.

***Forward message hpe ga byan da ai re. Shut ai lam ni grai nga ai. Sharai hti ga.***

2012

2009-11-16T16:26:00.015+01:00

mungkan a hpang chyahtum na ten hpe hkrang shala da ai 2012 sumlahkrung hpe 11 November kaw mungkan shara shagu na sumladum kaba ni hta madun hpang wa sai. Aten kadun hta ndai sumlahkrung grai mying gumhkawng wa sai re.

2012 ning du jang anhte nga ai mungkan ndai gaw kaja wa htenrun mat na re nga nna shiga mawng taw nga ai ten hta ndai sumlahkrung bai pru wa ai majaw mungkan masha ni grau myit lawm mat ai ga rai nga ai.

Ndai sumlahkrung hpe The Day After Tomorrow hte Independence Day sumlahkrung hpe shalat shapraw da ai Director Roland Emmerich kaw na sha bai shalat shapraw da ai sumlahkrung re.

Sumlahkrung kaw na zawn teng sha mungkan ndai hten na nhten na gaw 2012 ning du wa ai shaloi she chye na sai. 2012 ning hta ndai sumlahkrung kaw na zawn mungkan ndai htenrun wa ai rai yang anhte ndai mungkan kaw nga lu na aten gaw grai grai shau mat sai hku rai nga ai law.

Flodder in Amerika

2009-11-13T22:59:00.002+01:00

gadun ai myit

2009-11-08T23:23:00.005+01:00

manghkang langai ngai hte hkrum katut wa ai shaloi myit hpe azim sha tawn nna dai manghkang hpe myit galu ai hte hpran ra nga ai.
Masin pawt, myit gadun ai hpe madung dat let dai manghkang hpe hpran yang shut kaba rai nga ai.

mun ntu ai tsap

2009-11-05T15:39:00.003+01:00

Ndai sumla hpe atsawm she yu yu ga. Germany Mungdan dusat htawng langai kaw na tsap (bear) re da. Mun ntu ai majaw laklai nmu ga ai dusat zawn zawn rai taw nga ai.

NO ONE

2009-10-19T18:41:00.003+02:00

"tsawra myit"

2009-10-17T22:22:00.011+02:00

'tsawra hte 'sha' ra nbung ai' ndai ga malai hte maren shinggyim masha ni a myit, a myu myu nga ai zawn shanhte kaw rawng ai 'tsawra myit' ni mung langai hte langai shai hkat nga ai. Nkau mi gaw 'tsawra myit' ngu ai hpe n gawn n sawn, a hpa, a tang sha myit la, hkam la ma ai. Nkau mi gaw 'tsawra myit' ngu ai ndai hpe Karai zawn she nawku ma ai.

Asak ram sai shinggyim masha shagu hta 'tsawra myit' ngu ai gaw rawng chyalu rai nga ai. Marai langai ngai tinang hpe tsawra ai, tinang nan kaga masha langai ngai hpe tsawra ai, gara hku mi tsaw tsaw, tsawra ai ngu ai ndai hte shinggyim masha ni kadai mung tawt lai nlu nga ai.

'tsawra myit' ngu ai ndai hpe shinggyim masha ni lachyum shapraw, jai lang ai lam mung langai hte langai nbung hkat nga ai. Manai makai rai hkra tsaw ai, mana hkra tsaw na, si hkra tsaw ai nga nna ya ten na mahkawn ni hta lak lai ai gasi ni na lu nga ai. Nkau mi gaw tinang a prat shawng lam galu kaba na matu tinang a tsawra ai myit hpe manu n shadan ai sha, akyu chya-shawn kau chye nga ai. Nkau mi gaw ndai tsawra myit a matu tinang asak hpe pyi si hkam gwi ai ni mung nga nga ai.

tsawra myit ngu ai ndai ga si hta lachyum grai law/sung nga ai. tsawra myit ngu ai ndai gaw pyaw ngawn ai lam hpe jaw ya lu nga ai, prat a matu shinglum ai lam hpe mung jaw ya nga ai, lu la mayu ai myit, madu mayu ai myit hpe mung byin shangun nga ai. Kalang lang ndai tsawra myit ngu ai gaw hkrit na zawn rai hkra masha hpe chye zingri nga ai, yawn hkyen ai lam hpe mung shabyin ya lu nga ai.

Tinang tsawra ai wa a ra sharawng ai lam shagu hpe chyahpring shatsup ya mayu taw nga ai, shi hpe pyaw ngawn ai lam ni ten shagu jaw mayu taw ai, shinglum ai lam hpe mung jaw mayu ai, tsawra ai myit ngu ndai atsam, marai grai kaba la nga ai law.

Tinang nan, masha langai ngai kaw na tsawra ai lam hpe lu la ai shaloi, dai wa hpe dang sha mayu ai, roi sha mayu ai, ntsa kaw na kanawn ai, kajet, kajat nga nna tsun shaga ai, tinang lu la ai dai 'tsawra' ai lam hpe manu n shadan ai, nhkung ga ai, n gawn nsawn galaw kau ai, dai zawn re masha ni gaw hpang chyahtum myit malai lu ai hte ngam taw chye nga ma ai.

Kalang lang tsawra ai hte ngang kayut ai lam hpe garan, ging-hka na matu grai yak la nga ai. Gawng shingyan tsawm htap la ai NUM sha snr LA sha hpe mu dat ai shaloi masin salum htuk-htak wa ai. dai masin salum htuk-htak ai hpe tsawra ai ngu nna tsun na matu nmai nga ai. Dai gaw ngang kayut ai lam sha rai nga ai. Ndai hpe atsawm nchye ging-hka, hparan kau ai majaw yak-hkat, jamjau la ai tsaw hkrun lam hpe nkam tim shakut hkawm sa ra taw ai masha ni ndai mungkan ntsa hta law la nga ai.

Jet ai 'tsawra' myit gaw nang grau ai, ngai sum ai, nga nna ntsun ai. Tinang a majaw snr tinang madi shadaw karum ya ai a majaw pri nyem mat wa ai hpe yu nna myit hta kabu myit dik, myit pyaw ai. Jet ai 'tsawra' myit gaw hkam sharang, shagrip shanyem, myit galu ai hte tsawra chye nga ai. Jet ai 'tsawra' myit gaw jaw ya lu ai. hkam la ai lam nnga tim, jaw ya taw ai hpe myit dik myit pyaw nga ai.

Marai langai ngai hpe tsawra hkrup sai wa gaw ten shagu pyaw taw nga ai, myit rawt, zet let nga ai. Ndai ten hta shi pyaw nga ai hpe makau grup yin na masha ni pyi maram lu nga ai. 'tsawra' ai myit ngu ndai n gun, atsam kaba la nga ai.

Jet ai 'tsawra' myit gaw hpang jahtum aungdang ai lam hpe lu la ai nga tim, tinang hpe n tsawra ai wa kaw na 'tsawra' myit hpe lu la na matu la dingda nga ai gaw myit htum, myit daw hpa rai nga ai. Tinang hpe n tsawra ai ni a matu aten ahkying shama taw nga na malai tinang a prat hkrun lam / shawng lam rawt jat galu kaba wa na matu ladat shaw shakut shaja sa wa na gaw grau mai kaja nga ai law.

malap nga ai lama mi

2009-10-11T12:49:00.005+02:00

laiwa sai ten hta hpaga ga ai manaw manang hpung mi gaw zaibru jang hta hkrun-lam hkawm ma ai da. Shana du nna hkring sa nga ai ten shanhte kaw na langai mi wa gaw gumra rem na matu pru mat wa ai.

gumra rem nga yang hka htung langai mi hpe mu nna hka htung kata de yu dat yang kabrim tsit tsawm la ai lungseng law dik hkra hpe mu u ai majaw manaw manang ni hpe wa shaga la nhtawm hka htung kata na lungseng hpe shaw la na matu yawng myit hkrum masai da.

lawm sa ai sumri ni matut nna hka htung kata shang na matu shakut yang hka htung nau sung ai majaw sumri nlaw mat ai. raitim shanhte a bu hpun palawng ni hpe sumri rit nna hpang chyahtung hka htung kata de du ai sumri lu masai da.

shanhte kaw na langai mi wa gaw hka htung kata de shang wa sai. kata de du nna yu dat yang lungseng ni nre sha lapu law dik hkra hpe mu lu ai da. kaja nga yang hkahtung kata kaw na lapu ni a myi ni gaw shata jan a majaw ntsa kaw na yu yang tsit tsawm taw nga ai she re da. lapu ni hpe mu kajawng ai majaw ntsa na manaw manang ni hpe npu kaw lungseng nre. lapu ni she re kata de hkum yu wa mu ngu marawn chyahtau tsun dat ai da.

ntsa kaw na ni mung ndai hku bai myit la ai. anhte ntsa kaw na lungseng ni hpe nan mu lu taw nga yang ndai wa shi hkrai lawhpa myit hte shi hkrai la kau mayu na anhte hpe npu de n yu wa hkra masu nga ai. n pu na wa mung ntsa na ni hpe marawn chyahtau tsun nga let nsen ngap mat sai.

dai hpang ntsa na marai langai bai yu wa sai. npu du yang kaja wa shawng na wa tsun ai hte maren lapu ni hpe sa mu nna awwwwwww,,, mayat shawng na wa tsun ai teng nga a hka! anhte shi hpe nkam kau ai shut sai nga nna myit malai ai hte shawng kaw na wa hte maren hka htung kata de kadai mung n yu wa na matu ntsa na ni hpe marawn chyahtau tsun ai da.

ntsa kaw na ni ndai lang mung kachi mi pyi nkam ai. npu na yan anhte hpe nkam jaw ai majaw shan lahkawng rau chyawm nna anhte hpe masu nga ma ai ngu nna myit la ma ai. npu kaw na wa mung shawng na wa hte maren npu de kadai mung n yu wa na matu marawn tsun let bai ngap mat sai da.

matut nna masum lang ngu na wa bai yu nna shawng na lahkawng zawn sha myit malai let ntsa na ni hpe npu de n yu na matu marawn tsun let bai ngap mat sai da. dai hku sha langai hpang langai bai yu nna hpang chyahtunm yawng hte lapu shat byin mat ai da.

**dinghku de sai ni gaw dinghku nde shi ai ni hpe dinghku hkum de mu, n pyaw ai, yak ai, jam jau dik ai nga nna tsun chye nga ai.
Dai hpe daini du hkra anhte kadai mung nkam ai, nhkap la ai sha tinang nan tinang dinghku ngu ai hka htung kata de shang mayu jawng taw ai hpe mani hpa shatai da ai maumwi re***

email kaw manang ni forward galaw ya ai hpe grai ra sha ai majaw w/p hku bai ka da ai re.

gwi hkyi tawng kaw na gumhpraw

2009-10-07T21:28:00.009+02:00

Taiwan mungdan kaw na lam ntsa hkan sanseng na matu (tsi-pin) municipal rung kaw nna gwi hkyi kilo mi hta wa yang taiwan gumhpraw 100 jaw ai. lam ntsa hkan nau maza ai majaw ndai zawn kum hpa shagrau jang san seng mat na hpe ra sharawng ai majaw ladat shaw dat ai re da. Mungdan ting na gwi hkyi ni hte kaga maza mala ni yawng sanseng mat hkra rai yang taiwan gumhpraw million 2 ting ma na re.

Netherland mung gwi hkyi grai law ai mungdan langai mi re. Ndai kaw galoi kumhpa sharau na kun,,,,

winter in wartime snr oorlogswinter

2009-10-06T22:35:00.012+02:00

laiwa sai ten hta ndai blog kaw oorlogswinter ngu ai sumla hpe sumla shachyen hku nna kalang mi ka da ga sai re. ya ndai sumla hpe youtube kaw mai yu sai majaw n yu shi ai ni a matu shiga jaw mara da ai. Matut manoi mai yu na matu shakut yu tim nbyin ai majaw menu kaw sa nna nambat 1 kaw na 11 hpe langai hpang langai lata yu ga. youtube kaw shang na yu yang grau kaja na nhten.
ndai sumla kaw hkrang shala ai sak 16 ning Michiel / Martijn Lakemeier gaw Netherlandse ni a matu grai ahkyak ai asak kaji htum 2009 ning na hkrang shala kaja htum JA KUM HPA hpe mung shagrau hkrum sai re.

Norway mungdan mungkan hta kaja htum

2009-10-05T22:13:00.008+02:00

Mungkan hta Norway mungdan gaw nga na matu kaja dik htum ai mungdan re lam chye lu ai. Netherland mungdan gaw Nambat 6 kaw re. Ndai hpe (the United Nations) ngu ai uhpung kaw nna lata shapraw da ai. Ndai (the United Nations) gaw mungdan 50 jan hte gaw de da ai u-hpung langai mi re.

Ndai mahtai pru na matu shanhte madung yu, sawk sagawn ai gaw mung shawa masha ni a shang gumhpraw, tsi-rung hte sara wun ni kade ram kaja ai, mungdan shawa masha ni a asak galu ai lam ni hpe yu nna daw dan shapraw ai re da.

Australia mungdan nambat 2, Iceland mungdan gaw nambat 3 kaw rai nna Canada nambat 4, Ireland mungdan hte Netherland mungdan lahkawnag yan gaw nambat 5 kaw rai nga ai.

Niger mungdan gaw hpang chyahtum nambat 182 rai nna numbat 181 kaw gaw Afghanistan mungdan nga ai. Niger mungdan kaw na mungdan shawa masha ni a (average) maren mara asak 50 rai nna Norway mungdan na mungdan shawa masha ni a maren mara asak gaw 80 rai nga ai.

Woi myi-man hte gumhpraw lap 10000

2009-09-25T18:21:00.009+02:00

Myenmung dan kaw du wa na shata praw kaw nna gumhpraw lap 5000 tan shapraw na re lam shiga pru wa ai hpang internet ntsa kaw mung ndai 'woi' myi-man hte re gumhpraw lap 10000 mi tan pru wa sai.

Myenmung dan kaw na gumhpraw ni yawng gaw dusat sumla ni lawm ai re.

2009-09-19T22:07:00.006+02:00

Shingran kaw na shingran

2009-09-17T21:01:00.005+02:00

Shingran kaw na shingran (1)

shingran kaw na shingran (2)

'nang' teng sha internet lang ai 'yin' kap taw sai kun?

2009-09-16T15:06:00.004+02:00

Daini na prat hta shinggyim masha kaji kaba yawng a lapran e internet ngu ai arai ndai gaw shani shagu nlang nmai ai 'rai' langai mi byin wa sai.

Internet gaw laika hpaji, hparat hkaja ai lam, matut mahkai lam ni a matu akyu rawng ai hta sha n ga, shangwi shapyaw ai lam hta mung mai lang ai a majaw lang ai masha lani hte lani grau grau law wa nga ai. Computer shawng kaw aten law law shama ai gaw hkum hkrang hte myit masa lam ni a matu nkaja nga ai.

Internet hpe shalai shajan lang ai gaw ana zinli zawn rai wa nga ai hpe mu lu wa sai. Ya daini na aten hta US mungdan kaw internet hpe shalai shajan lang ai ana zinli hpe tsi tsi lajang ya na matu tsi-gawk hpe pyi hpaw hpang dat masai da.

Tinang kaw internet 'yin' snr ana zinli kap nkap hpe maram mai ai nsam (11) hpe npu kaw mu lu na re.

1. Internet lang ai ten law htam wa ai.
2. Tinang a shani shagu na nga-sat nga-sa lam ni galai shai wa ai.
3. Internet lang taw ai hpe grai pyaw, grai myit dik dum taw ai.
4. Ten shagu internet chyu lang mayu ai myit rawng taw nga ai, nlu lang yang yup n pyaw, sha nmu, myit nji nmu byin taw nga ai.
5. Dum nta masha ni hte jinghku, manaw manang ni hpe nkaw mat wa ai.
6. Tinang internet lang ai hte seng nna kaga masha ni hpe masu tsun chye wa ai.
7. Bungli, jawng ni hte seng ai lam ni hta kang nka wa ai.
8. Tinang a hkum hpe tinang mara lu ai zawn nga hkam sha wa nna, tinang galaw da ai lam ni hpe tinang myit n pyaw ai zawn nga nna hkam sha wa ai.
9. Yup ai aten ni galai shai wa ai.
10. Hpum wa ai, nchyang machyi, baw machyi, hkri-hkraw ni mahkret machyi ai lam ni byin wa ai.
11. Uhpung uhpawng hte chyawm galaw ra ai lam ni hta nlu shang lawm mat wa ai.

labu pan hte sindai tsaw myit

2009-09-15T15:50:00.003+02:00

labu pan hte sindai tsaw myit (1)

labu pan hte sindai tsaw myit (2)

No. (1) lang Netherlad du WP sha ni a poidaw lamang

2009-09-14T15:08:00.012+02:00

No.(1) lang na Netherland du WP myu sha ni a poidaw lamang hpe September,12,2009 shani hkying 1-3 pm hta Amsterdam mare kaba hta shanu nga ai Shd.Nhkum Sarram a dum nta nnan dingshawn shang hte hpawn rai nna wu wu di di galaw lai wa sai.

Laiwa sai 3 ning ram kaw na sha, du hpang wa ai WP sha ni, ya daini na ten hta yawng marai 36 rai wa sai lam hpe mung chyelu ai. Lam amyu myu yak hkak ai a majaw e poidaw lamang hpe kalang mi mung nlu galaw lai wa ai, rai tim ya daini kaw nna gaw anhte tsawra hkungga ai Rev. La Rip mung Karai a chyeju hte hpaji hpung jat na matu du sa wa ai marang e hpung masha marai 32 shang lawm ai shawng n-nan lang na poidaw lamang hpe galaw la lu sai re. Dai hta n ga, myu sha ni hpe matut nna makam masham lam hta kanu kawa tai lam madun ya na matu yawng kabu gara hkap tau hkalum la ga ai re.

Ndai lamang hte hpawn WP NL ni galaw sa wa na shawng lam lamang hpe mung bawng ban jahkrup lu sai re. Poidaw lamang hpe gaw shata lahkawng hta kalang mi htap htuk manu ai shara hta galaw na matu dawdan da lu saga ai. Ndai zawn rai zinlum ai lamang ni hpe galaw lu hkra ningpawt kaw na ap nawng nga ai tsawra hkungga ai Sara Yam Hpat Maw She hpe mung anhte yawng chyeju dum nga ga ai law.

Ndai Madu Yesu a shana shat sha poi gaw WP NL ni a labau shang lamang langai mi rai sai hpe mung myit dum chye shangun mayu ai re.

Sumtsan na tsaw tsaw hpe mai manam (apup) ai kiss phone

2009-09-02T15:10:00.012+02:00

Sumtsan kaw du nga ai tsaw tsaw hpe marit shamai mai manam (apup) ai ndai kiss phone hpe hpaji ninghkring ni galaw shapraw dat sai.

Kiss phone ngu nna mying shamying da ai hte maren ndai phone kaw masha nten lawm nna, dai nten kaw manam (apup) dat jang tinang a tsaw tsaw hpe matut mahkai manam (apup) ai lam hpe galaw ya ai hku re. Tinang a manam (apup) dat ai hku nan tinang a tsaw tsaw hpe bai manam (apup) ya ai da. Tinang hte tinang a tsawra lahkawng yan kaw ndai kiss phone 2 gaw lu ra ai hku re.

Shingra maka lam a majaw shada kade tsawra tim, tsan gang hkat ra nga ai ni a matu myit nna galaw shapraw da ai re da. Ndai phone lang jang phone numbat gaw nmai shut na nhten.
*gmail kaw manang ni forward galaw da ai hpe WP hku bai ka mara da ai re*

labu pan tsin yam

2009-08-24T18:44:00.008+02:00

labu pan tsin yam (1)

labu pan tsin yam (2)

Netherland Mungdan na Ameland zunlawng de kalang mi

2009-08-23T18:46:00.021+02:00

Ndai sanghpaw hte wawra hkran de rap

Mawdaw/lagaw leng mung mai la sa ai yaw..

Ameland zunlawng na sanghpaw daru

tsawm la ai sanghpaw daru

lagaw leng lam

zunlawng kasha kaw na tsawm la ai mare kasha

miset hte atsawm yu yang England mungdan hpe mu lu ai..

hkarang kawng na nga kaba

bai hkrum ga yaw.

shakawn mahkawn (myen)

2009-08-20T20:22:00.002+02:00

I made this video playlist at myflashfetish.com

Bambi - He can call me flower (DUTCH)

2009-07-28T17:07:00.002+02:00

W/P brang a mungkan hkrun-lam

2009-07-10T21:39:00.005+02:00

Goi law..mungkan n-tsa kalang sha pra, mungkan grup hkra ajawt hkawm na ngu ai myit hte, ngai W.P brang wa mung nshayawm ai myit hte W.P tourist brang hku bu hkawm pru wa sai lo...
mungdan langai hpang langai ajawt hkawm ai wa mahkrum madup hkum sum hpa, ning mu myu hkum hpa, masha myu hkum hte hkrum kadut lai wa sai.

Myen mung ga na pru, tsawm shayi ni gamawng rai nna mungkan shabrang ni hpe gumbai she kapya ngan rai, gang sha ai hting bu mungdan Thailand ga mung sa gan ka chyau da kau, dai hpang mungkan hta kaba dik hte mying gum hkawng dik ai Russia mungdan kaw mung arawng mi alu rai sa du kawan kau da sai oi.

Ah ga .... Jahtum gaw ngai W.P brang wa lagat jahku, nga-chyu grung nna galu kaba tsawm la ai Holland num ni a soi ai hta n lawt lu mat nna dai ga hta prat tup nga lu na matu 'tsin yam' ngu ai na pyaw la ai mying hpe she hkam la kau nngai oi..

Myit Yu Ra Sai

2009-07-05T18:19:00.009+02:00

Wunpawng sha ni e,
N-gup ga hte tsun ai gaw gahkyin gumdin ga nga tsun ai hkrai.
Byin wa ai lam ni yawng gaw hka bra ninghpang zawn re ai hkrai tai.
Nau chye nau kung dum ai law mat nna kun?
Maigan sumprat shang ai kun?
Kungjang lama ma mi chyinglau nang ai kun?
Hpa rai na me????
Myu sha lam yan hta hpa rai hka bra?
Hpa rai na me???
Nawku makam masham hta hpa rai hka bra?
Mungkan masha ni yawng hte pyi gahkyin gumdin ga she ngu yang wa,
Tinang dinghku pyi n chying yang kaning di na,
Wunpawng sha ni daini myit yu sawn yu ra sai lu.
Sana hka gaw hpang hkrat na atsawm she myit yu ga.
Ju tawn da ai mung hkat mat.
Le tawn ai mung mat mat.
Shingnawm de nna pru ai ni hkin jawng jawng sha kau na lu.
Dum ga oi.
Ahtik kahtawk kadai mung rau shada hkum rai.
Nga hkang lagyawk na Shu Tek reng mung kadai hkum rai ga.
Bum langai Du langai lailen Mungkan ntsa wai mat sai.
Myit hkrum gahkyin gumdin let shawng de rawt sa ga.

"Myit Yu Ra Sai" mahkawn kaw na ga yan ni hpe atsawm nna kau na tsang ai majaw bai ka mara da ai.

TSIN YAM HTE GRAU AI PRAT HKRUNLAM DE

2009-06-20T13:26:00.001+02:00

Myen Mungdan kaw galaw lu galaw sha yak, ahkaw ahkang nnga, hpaji lam hte seng nna mung shawnglam nnga ai. Ndai mayak mahkak ni kaw na tawt lai lu na matu anhte w/p sha ni maigan mungdan de lam amyu myu hte shakut pru sa wa ai hta tsin yam hku nna sa ai mung mahkrun myu mi rai nga ai.

Nkau mi gaw Tsin Yam hku nna shingbyi shara tam ai gaw anhte w/p sha ni a matu nhtuk ai, anhte w/p amyu sha ni gaw amyu kaba re. Maigan sa tim, kaga lam hku she shakut na. Tsin yam hku gaw nkam sa ai nga nna tsun ai ni mung law law rai nga ga ai. Dai hku tsun ai ni hpe mung mara nmu nngai. shanhte tsun ai jaw nga ai. rai mung rai nga ga ai. Mai byin yang gaw maigan de jawngma hku snr bungli hte tara shang lu sa yang gaw kaja dik rai na re.

Ngai maigan sa na matu nnan hkyen lajang wa ai ten, manang makau mi tsin yam hku galaw ai hpe ngai mung nhkap la nngai. Dai majaw Maigan de tara shang lu sa na matu grai shakut lai wa sai re. Kade shakut tim n awng dang ai hta n ga, lu ai gumhpraw hte manu dan la ai aten ladaw ni law law mung htum mat sai hku re.

Tsin Yam hku nna shakut shaja ai manaw manang ni gaw aten na wa ai hte maren, shanhte a masa lam ni mung lani hte lani grau grau pri nyem wa ai hpe mu mada lu nngai.

Dai majaw ja gumhpraw n gun atsam nga ai ni ndai lam hpe myit yu ging nga ai. Tinang nan nsa tim, tinang a nta masha, jinghku ni hpe lam tam ya ga. Tsin yam hku nna maigan de sa ai hpe ngai hku nna gaw n-gun jaw ai. Hpa majaw nga yang anhte a hpu nau ni rai nga ai HKANG, KAYIN ni gaw ndai de n gun grai dat ai hku re.

Tsin Yam! Tsin Yam! 'Tsin yam' nga ai hte maren, Maigan Mungdan hkan Tsin Yam sa hkam ai mung loi gaw nloi nga ai. Shagri brep hkam sha ai lam ni gaw nga ai hku re.

Loi Loi hte awngdang ai lam lu la na matu daini na Mungkan ntsa hta hpa nnga sai. Aten jaw ra ai. Hkam sharang ra ai. Myit galu ra ai. Tinang a Mungdan nre majaw yak hkak ai lam ni grai nga na nhten, raitim dai hpe myit let hkrit taw nga yang gaw lam shagu hta hpang hkrat wa na re. Dai majaw Myenmung dan kaw mau dung taw nga na aten shama kau na malai, mai byin ai hku nna lam tam shakut sa wa ga ngu saw shaga mayu ai.

lahkawng lang Htoi (yellow) jang gaw hkyeng (red) na sai

2009-06-04T14:54:00.006+02:00

Anhte w/p sha ni hpe makawp maga let w/p Mungdan shanglawt lu na matu shakut nga ai KIA/KIO kaw na myu tsaw Ningbaw ningla ni hte myu tsaw hpyen la ni yawng hpe shakram dat ga ai law.

Mungkan hta anhte w/p sha ni hpe makawp maga nga ai Hpyendap kaba nga taw ai majaw myit hta alum ala nga hkam sha, grai n gun lu, arawng la nga ga ai.

Mungdan shanglawt lu na matu dai ni du hkra lak-nat magra hpai let tinang a asak si na nhkrit, ntsang Mung shawa masha ni hpe makawp ya nga ai majaw grai chyeju dum nga ga ai.

Du wa na shawng lam hta mung matut shakut let anhte w/p shani hpe nshut nshai grau grau ngwi pyaw simsa ai lam hte Mungdan shanglawt ahkaw ahkang lu hkra woi awn sa wa lu mu ga ngu Karai Kasang kaw kyuhpyi nga ga ai.

MYEN wa hte simsa lam la tawn da ai mung aten ni ram ram na mat wa sai hku re. Ndai ten ladaw ni hpe bai nhtang yu dat yang anhte w/p shani a matu akyu amyat kade dang lu ai kun! snr yawm wa ai de she re kun!

Anhte w/p Mung shawa masha ni a shaga ai nsen, shara shagu hta byin nga ai mabyin ni, masa lam ni hpe maram yu yang grau ai de n yawng ai sha, yawm wa de yawng taw sai hpe mu lu, na lu nga ga ai law.

Lai wa sai ten hta anhte MYEN hpe kam nna simsa lam la shut sai. MYEN wa a mahkam hta kadawng bang saga ai. Anhte w/p sha ni hpe MYEN wa gaw ya na hta grau grau sung ai, bai nhtang pru na yak ai hka-raw de kanawng bang na maw mawn nga sai law.

Mungkan hta mying gumhkawng ai 'keukenhof'

2009-05-30T00:17:00.009+02:00

Mungkan Hta N-hkru N-kaja Dik Ai Ningbaw (10)

2009-05-18T20:38:00.013+02:00

1. Robert Mugabe
Zimbabwe
Age: 85
In power since: 1980
Last year's rank: 6

2. Omar al-Bashir
Sudan
Age: 65
In power since: 1989
Last year's rank: 2

3. Kim Jong-Il
North Korea
Age: 67
In power since: 1994
Last year's rank: 1

4. Than Shwe
Burma (Myanmar)
Age: 76
In power since: 1992
Last year's rank: 3

5. King Abdullah
Saudi Arabia
Age: 85
In power since: 1995
Last year's rank: 4

6. Hu Jintao
China
Age: 66
In power since: 2002
Last year's rank: 5

7. Sayyid Ali Khamenei
Iran
Age: 69
In power since: 1989
Last year's rank: 7

8. Isayas Afewerki
Eritrea
Age: 63
In power since: 1991
Last year's rank: 10

9. Gurbanguly Berdymuhammedov
Turkmenistan
Age: 51
In power since: 2006
Last year's rank: Unranked

10. Muammar al-Qaddafi
Libya
Age: 66
In power since: 1969
Last year's rank: 11

Shanglawt ahkaw ahkang nnga ai lam
Shanhte up-hkang ai npu na, Mung masha ni a yak hkak, jamjau ai lam
Tinang hkrai DU tai let, up sha, dang sha, Mung masha ni hpe adip arip, up hkang ai lam ni hpe madung dat yu nna nambat jaw da ai re da.
PARADE's annual World's Worst Dictators list:2009.

nampan

2009-05-04T00:13:00.015+02:00

Holland kaw na, keukenhof ngu ai nampan sun de sa hkawm chyai let, lawm sa ai camera jagang hte gayet wa ai sumla nkau mi hpe bang mara da ai. Dai hta grau tsawm ai yu mayu yang gaw ndai kaw yaw,,Mungkan hta tsawm dik htum ai shara langai mi re da.
http://www.keukenhof.nl

lagaw leng law dik la ai Holland

2009-04-19T17:16:00.008+02:00

Lagaw leng tawn shara langai kaw na, law la ai lagaw leng ni

Lagaw leng law ai hte maren, lagaw leng lam ni mung ndai zawn

Mungdan ting hpe lagaw leng hte mai hkawn ai

lagaw leng tawn mayu yang, atsawm sha lu

Tsawra dik ai Nu

2009-04-07T13:14:00.030+02:00

Ma e,,! Rawt sanu,, Jawng sa hpang hkrat wa nga ai,,, Nu jasu ai nsen a majaw,dum wa na, shakum ntsa kaw na, dingsa la ai nayi hpe yu let,,, Hpa majaw ya she jasu ai rai! jawng hpang hkrat sai,,, grai pawt mayu ai law ngu,,, aput angun ai hte jawng sa na matu atin shapun hkyen la nngai.

Yawng hkyen ngut na nta kaw na pru wa yang Nu a nsen hpe na dat nngai. Ma e,,! Nu hpe hkum pawt yaw,, Nu hkum n pyaw na she re. Nu a nsen na ai hte ,, ngai mung myit n galu ai nsen hte, bai machyi sai i? nau machyi ja la ndai ngu marawn kajet let, kayin yu dat yang, Nu gaw ngai hpe grai agam ai nsam hte tsun ai"Ma hpe jau jau n'jasu ai, Nu a mara hpe raw dat ya rit, nga hpyi nyem let,,, Ndai 'Ma'a matu shani shat, nga nna shat makai jaw ai. Nu jaw ai shat makai hpe nkam sha sai ngu marawn tsun let kabai ayai kau na, jawng de sa mat wa nngai. Lam kaw na bai nhtang yu dat yu yang Nu a hkum n pyaw ai myi-man nsam hpe mu dat ai rai tim, ten shagu machyi ja ai Nu hpe myit n tsang ai sha jawng de sa mat wa nngai.

Jawng kaw du ai shaloi shiga na lu ai gaw, ndai bat 6 ya shani jawng ma ni pyaw-poi hkrun-lam kadun langai hkawm na masing nga ai lam na lu ai.Ngai mung grai sa mayu nngai.Manaw manang ni hte rau wam hkawm let, matsan la ai nye prat hpe chyahkring sha pyi, malap kau mayu nngai. Ten shagu machyi nna yupra kaw taw nga ai Nu hpe malap kau nna manaw manang ni hte wam dam pyaw hkawm mayu nngai.

Jawng yu na nta de bai du wa ai ten, shawoi na hte maren yupra kaw machyi taw nga ai Nu hpe mu lu yang myit hta pawt mayu wa ai lam ni bai pru wa sai. Nu gaw jawng na bai wa ai ngai hpe mani sum sai hte 'Ma e... Jawng na bai wa sani? nga nna hkap san ai hpe nhtai ai sha,,,,

Nu,,, Ndai bat 6 ya shani jawng kaw na manang ni hte pyaw-poi hkrunlam kadun langai hkawm mayu ai,,sa na yaw! pyaw-poi Hkrunlam da aw,,Ma,, gumhpraw kade ting, ma na rai? Nu gaw hkrunlam hkawm yang kade ma na hpe shawng san taw nga ai. Yak hkak la ai nta na lam ni a majaw, dai de sa na, nsa na hpe ung-ang let,, mun 8 ngu,, htai dat nngai. Ngai na mahtai hpe na jang Nu gaw mun 8 ting da aw,, nga na bai san ai. Ngai mung mun 8 sha pyi nlu ai i! ngu,, bai marawn kajet ai hte, bai san dat nngai.

Ngai ndai zawn rai matsan ai prat hpe grai nju nngai. Masha ni zawn zawn nlu nga ai, nye prat hpe sumru dat shagu, grai myit daw, myit kaji hkam sha nngai. Nu hpe mung nju ai. Nu gaw nsa kaba sa let, bungmhkum npu na bank laika buk hpe la nna, ndai lani mi kachyi chyi mahkawng da ai gumhpraw re, mun 8 shaw lang u. prat tup, kalang mi pyi nmu ga ai bank laika buk hpe yu let,, mani sum sai hte,, ga hkaw mi pyi nshaga sai sha, myu de gat sa mat wa nngai.

Bank laika buk hpe yu dat yang sen 10 ting rawng taw ai hpe mu lu ai. (korea gumhpraw gaw Myen Kyat zawn grai manu hkrat ai) Ngai na matu gaw grai law la ai gumhpraw rai nga ai. Daini du hkra, ndai gumhpraw hpe hpa majaw nlang ai kun! ngu myit let, Hkrun-lam a matu mun 8 hpe shaw la nngai. Bank kaw sen 9 a mun 2 naw ngam ai. Ndai ram ting naw ngam ai naw kahtap lang tim hpa nra na re ngu, bai myit la let,, Ndai ten hta masha shagu lata phone lang tim, ngai kaw phone nnga ai hpe myit dum let,, phone langai mari na matu, myit lu wa na, bank kaw gumhpraw sen 4 bai shaw la nna hpang jahtum pru ai phone nnan langai mari la kau nngai.

Grai pyaw mat sai. prat tup nlu lang ga ai lu lang ai majaw grai pyaw let,, myu hkan hkawm chyai yang, tsawm htap, prat dip la ai labu hpun palawng seng ni hpe mu ai hte mari mayu ai myit ni katu pru wa ai hte bank de bai gat sa let sen 2 bai shaw la ai. Labu palawng law dik mari la kau nna, langai hpang langai hpun chyam yu na, Pat kaw yu dat yang grai myit dik la nngai.

Myit ndik ai lam langai gaw nga ai. Nu zen ya ai kara mala la, ntsawm la ai hpe mu ai majaw, kara zen na matu mun 5 bai shaw la nna, prat dip kara zen seng kaw kara sa zen kau dat yang, tsawm htap la ai ngai wa le i! ngu myit pyaw dik let,,, hkrun-lam hkawm na matu, ra ai rai ni yawng mari la ngut ai hpang gumhpraw gaw mun 9 sha ngam sai. Ngai mung masha ni zawn lu hpun, lu lang sai ngu grai myit pyaw mat nngai. Ra ai lam ni yawng mari la ngut ai hpang,,, myitru, myit htum, lam ni hte hpring chyat nga ai nta de bai nhtang wa sai.

Nta du yang Nu yup pyaw taw nga ai hpe mu nngai. Nu ndum yang dum hkra nsen shapraw dat nngai. Ngai na nsen na jang,, Nu dum wa ai. Nu hpe bank laika buk bai nhtang jaw yang, Nu gaw gumhpraw kade naw ngam ai pyi n-yu sai sha, bunghkum npu de bai bang kau dat ai.

Shingrai, la dingda taw ai 6 ya shani du wa sai. 2 na yup 3 ya hkrun-lam hpe manaw manang ni hte pyaw hkawm lu nngai. Ndai laman matsan la ai prat hte, ten shagu hkum n pyaw machyi nga ai Nu hpe chyahkring mi malap da let, pyaw dik ai hku aten hpe shalai lu nngai. Kaja wa nan pyaw dik la ai ten ladaw ni hpe lu la ai hku re.

Pyaw ngawn la ai aten, ladaw ni grai lawan ai hku ma mat sai. Myit ru, myit daw ai lam ni hte hpring chyat nga ai nta de bai wa ra sai ngu ai, myit ni hte rau, nkam wa dik ai nta de bai du wa nngai. Nta du ai hte rau,, A,,Nu,,, Ma bai wa sai ngu,, marawn, chyahtau dat ai rai tim,,,Nta kaw mau na zawn,,, katsi katsang byin taw nga ai.

Matut na, A,,Nu,, Ma bai wa sai le, ngu matut shaga tim, hpa nsen nna lu ai majaw, ngai grai myit kadun wa nngai. Pawt mayu ai myit hte, Nu a yup gawk chyinghka hpe aja wa, hpaw dat yu yang,,yup ra kaw galeng taw nga ai Nu hpe mu dat nngai. Ngai nta wa ai ten shagu hta, mani sum sai hte hkap tau la ai Nu,,, daini gaw ga nshaga mat sai. Ngai gumhpraw law dik hkra lang kau ai majaw Nu pawt taw sam ai ngu na myit la let, Nu hpe chyasu ashun dat ai shaloi,, Nu a hkum ni katsi katsang byin taw ai hpe chye lu nngai.

Salum hkring mat na zawn nga hkra kajawng mat nye ai. Myiprwi si ni mung shi hte shi lwi hkat wa ai hte rau,, ngai nju la ai Nu ndai zawn katsi taw ai hpe mu lu ai shaloi, grai yawn mat nngai. Nu ndai zawn byin mat ai hpe mung nkam nngai. Dai majaw Nu hpe kalang mi bai aging agang chyasu yu nngai. Kade chyasu tim, Nu gaw ndum mat sai. Bunghkum npu na bank laika buk hpe la nna, Nu hpe mung ahpum let,, Ma,,ya hpang de ndai zawn n'galaw na se ai. Galoi mung n'galaw na sai ngu tawng ban ai hte hkrap nga nngai. Dai shaloi bank laika buk kaw na laika langai hkrat wa ai. Dai hpe n'gwi dik ai hte sha, hpaw hti dat yu yang,,

'Nu' tsawra dik ai 'Ma' hti na matu laika

Ma e,, Nu hpe grai nju taw nga ai i rai,,?
Matsan la ai prat hpe mung, si na ram nju ai nre i?
Nu grai hpyi nyem ai yaw, Nu hpe mara raw ya rit..
Nu gaw hpaji mung nchye, ja, gumhpraw mung nlu ai..
Nu a kasha hpe jaw na matu,, Nu a tsawra myit hta lai na, Kaga hpa mung nlu ai wa re.
Nu,,ya na zawn Ma hpe hkrai tawn kau da ra ai majaw Nu grai myit npyaw nngai.
Nu,,ana byin ai majaw Ma hpe ndai zawn tawn da ra ai re.
Teng sha nga yang, ndai ana gaw tsirung kaw, ga, lajang hkam la yang mai tsai lu ai da. Rai tim hkrat ang ai gumhpraw gaw grai law ai.
Nu myit ai, lama Nu ga lajang ai lam n'glaw yang Nu kasha, ra ai lu mari, ra ai hku mai lang ai majaw, ga lajang ai lam hpe n'galaw na matu myit daw dan kau ai re.
Ma e,, ten ladaw ni na wa ai hte rau, Nu kaw byin ai ana gaw grau grau sawng wa ai. Ya gaw Ma hpe hkrai tawn kau da ra sai. Ma a matu hpa lachyum npru akyu nrawng ai Nu hpe Nu nga nna hkap la ya ai majaw grai chyeju kaba ai.
Ndai mungkan hta Ma hpe sha, Nu,,tsawra dik ai ngu hpe Ma chye na re.
Nu a bunghkum npu kaw atsawm tam yu u. bank laika buk langai mu lu na ra ai. Nu shaning law law mahkawng da ai gumhpraw ni re.
Sen 200 ram rai na re. Ma matsan mayai rai nnga ra na sai.
Ma hpe tsawra dik ai, Nu.

Ndai laika hpe hti ngut ai hte ngai na hkum hpe ngai grai nju wa nngai. Nu hpe nju ai hta htam hkying, mun n'ga ngai na hkum ngai, grai nju mat nye ai. Ma lang kau ai gumhpraw ni gaw Nu a tsi tsi na matu gumhpraw ni,,,,tsi tsi na gumhpraw ni,,, Nu e,, hpa majaw Ma hpe ntsun ai law. Nu a tsawra myit hpe dai ram nchye na ai Ma hpe hpa majaw dai ram tsawra ai law.

Ya kaw na gaw jawng sa na matu chyasu ai Nu a nsen hpe mung nna lu na sai. Nu lajang ya ai shani shat mung nlu sha sai. Yup ra kaw kaleng taw nga ai Nu hpe mung nmu lu na sai ngu ai myit ni hte hkrap taw nga nngai. Nu hpe kalang mi pyi njaw ga ai Ma a tsawra myit hpe mung jaw mayu nngai.

Nu hpe kalang mi pyi ntsun ga ai, ga hkaw langai hpe myit dum wa ai. Myit dum wa ai hte rau Nu hpe azi yu let,, Nu,, Ma mung Nu hpe grai tsawra nngai.

Mungkan ting na, Kanu ni yawng gaw, kasha ni hpe shanhte a asak hta pyi grau na, tsawra ai ngu ai hpe yawng, myit dum nga na matu ndai laika hpe tang madun dat nngai.. Korea sumrai re.

Nshung majan (sumla hkrung) shachyen

2009-03-28T13:58:00.017+01:00

Ndai sumla hkrung hpe Netherlands laika ka sara Jan Terlouw a sumrai hpe sumla hkrung gayet da ai.

Numbat (2) mungkan majan a lam hpe gayet da ai re. 1944 hkyen htat dik ai Netherland mungdan a nshung ta hta German hpyenla ni Netherland hpe sa zing la kau ai. dai shaloi Netherland mungdan a sinna hkran de lu sha nnga mat ai majaw Mungdan masha ni luna shana nlu, kaw si hkrum nna, lusha nga ai Netherland Sinpraw hkran de yawng hprawng sa wa ma ai.

Daiten hta Zowlle ngu ai mare kaba a makau kaw na mare kasha langai kaw Michiel ngu ai asak 14 re la kasha langai nga ai. Shi gaw German hpyen ni hpe ninghkap mayu ai wa re. Daiten hta ninghkap ai lam gaw grai hkrit ra nna, lama rim hkrum jang si ari jaw nga ai majaw shi kawa gaw ninghkap ai lam hpe nkam galaw shangun ai.

Rai tim Michiel gaw nhkrit ai sha, shi a manang htingbu wa Dirk hpe karum na matu dawdan sai hku re. Dirk gaw German hpyenla ni kaw na laknat sa lagu na hku hkyen nna, lama, shutshai ai lam nga wa yang Michiel hpe ahkyak dik ai laika langai hpe sa sa na matu lit jaw da ai.

Raitim dai laika hpe hkap la na wa si mat ai majaw Michiel yak hkak hkrum nna, gara hku bai matut galaw na ngu ai ahkyak dik ai ladat hpe dawdan let manghkang hpe shakut hparan ai lam law law hpe mu lu na re. Michiel majan hta si hkrum mat na kun? Sumla kaw bai matut yu ga le i,,!
Oorlogswinter ngu ai sumla hkrung shachyen hpe ga gale da ai. Ndai sumla hpe Netherland mungdan Zwolle ngu ai mare kaw gayet da ai.

Playing For Change: Song Around The World "Stand By Me"

2009-03-27T18:30:00.012+01:00

When the night has come
And the land is dark
And the moon is the only light we'll see
No I won't be afraid, no I won't be afraid
Just as long as you stand, stand by me
And darlin', darlin', stand by me, oh now now stand by me
Stand by me, stand by me
If the sky that we look upon
Should tumble and fall
And the mountains should crumble to the sea
I won't cry, I won't cry, no I won't shed a tear
Just as long as you stand, stand by me
And darlin', darlin', stand by me, oh stand by me

Shinggyim masha ni a, asak (ugut gu ) hpang ai ten

2009-03-24T19:09:00.014+01:00

Shinggyim masha langai asak (27) ning hpring sai hte dingla,gumgai(ugut gu) ai nsam byin hpang wa sai nga nna hpung-tang hpaji ninghkring ni tam, sawk,sagawn yu ai kaw nna chye lu ai.

Laiwa sai ten hta yawng hkap la,chyena da ai hta ndum shami, malap mali rai chye wa ai asak (40-50) jan maga de rai wa jang she dingla,gumgai (ugut gu) ai nsam hpe mu lu, byin hpang wa ai nga nna chye na zawn nawn da ai rai tim, ya na hpungtang hpaji ninghkring ni gaw dingla,gumgai(ugut gu) wa ai nsam hpe asak 27 ning kaw nna mu lu,byin hpang wa sai nga tsun shabra dat masai.Shanhte tsun ai hku nga yang asak (22) hta masha gaw, hka-lung tsawm htap dik ai ten re lam hpe chye lu ai.

Asak (18) ning hte (60) ning lapran kaw na, num,la marai 2000 jan hpe Virginia dakkasu kaw na hpungtang hpaji ninghkring ni (7) ning aten la,san,sawk,sagawn yu ai hpang chye lu ai mahtai rai nga ai.

Shanhte gaw dai masha shagu a matsing lu ai nyan, hkamja lam, hpaji lam, hpaji sharin hkaja ai lam ni hpe san, jep, ka matsing da nhtawm, hpan nbung ai sawk sagawn ai lam (12) galaw ngut ai hpang mu lu ai mahtai hta masha langai a asak (22) ning ten gaw hkamja lam kaja dik htum, hka-lung tsawm thap dik htum, n'gun lapin ja dik ai aten re nga nna shagrin da ma ai.

Laiwa sai ten na san,sawk sagawn tawn ai lam hta gaw, dingla,gumgai (ugut gu) ai lam gaw asak (47) ning kaw she hpang ai nga nna chye na, hkap la da ma ai re.

*shut ai lam nga ai, sharai hti la ga.*

Shani ka-ang chyahkring mi gan yup la ai gaw hkam-ja lam a matu grai kaja

2009-03-22T12:30:00.010+01:00

Masha num, la marai 23,000 jan hpe maram, sawk sagawn yu ai kaw nna pru wa ai mahtai hta bat mi kaw yawm dik 3 lang shani ka-ang chyahkring mi gan yup hkring-sa la ai gaw hkam-ja lam a matu grai kaja ai hpe mu lu ai da.

Shani ka-ang chyahkring mi yup hkring-sa la ai a marang e, byin hkrum hkra nga ai myit-ru, myit-ba ai lam ni hpe mung shayawm kau ya lu ai sha n'ga, salum ana hte seng nna si hkrum ai lam ni hpe mung shayawm kau ya nga ai lam mu lu ai da. Rau yang yup la la di ga yaw.

X'mas hte Shaning nnan sumla shiga

2009-01-08T17:44:00.018+01:00

Holland kaw du nga ai anhte W/P sha ni a (2) lang ngu na, Madu Ye Su a shangai nhtoi hpe hkap tau la ai X'mas Nawku hpawng hte Shaning nnan poi hpe Karai Kasang a chyeju hte atsawm sha galaw la lu sai hku re. Du wa na shaning hta gaw ndai hta grau kaja ai hku galaw sa wa na hku mung daw dan myit hkrum da sai.Yawng shada tsawra, myit hkrum,karum madi shadaw, bawng ban let grau ai de rai wa na matu shakut sa wa ga.

Yawng ndai zawn hkum hkum ra ra

Mai byin ai ram buga de na, si-mai hte bung hkra

Nawku ten hta ndai zawn.....

Wa+Ram ni mung mani sum sai hte shang lawm

Shaning nnan hte X'mas hta Nu Num ni ndai zawn shang lawm

Netherland du W/P sha ni a X'mas lamang

2008-11-29T12:18:00.004+01:00

Netherland kaw nga ai, Jinghpaw W/P myu sha ni a X'mas hpe December shata 23 ya hta Slg. Dashi Tang Ra a nta kaw galaw na re lam chye lu ai.

Dai majaw Netherland mungdan ting na W/P sha ni yawng hpe saw shaga da ai hku re. Yawng gabu gara, myit hkrum ai hte Madu Ye Su hpe hkap tau la ga ngu, saw shaga dat ai.

Nchye na ai lam, San mayu ai lam ni nga yang, ndai lawu na myit-su yan kaw matut mahkai galaw ga.

sportparklaan 91
1382 RX Weesp
phone:0634058124(bugashadang55@gmail.com)

Makungang Sarr Ram(deelatt.makungang@gmail.com)
phone:0634693183

Jij dacht aan mij

2008-11-24T18:12:00.003+01:00

Netherland kaw na "panglai madim kaba"

2008-09-25T22:43:00.007+02:00

Ndai madim kaba hpe Netherland mungdan a ginwang (province)lahkawng rai nga ai, Noord-Holland hte Friesland hpe matut da nna, Kilometer 30 galu ai. Waddenzee hte Ijsselmeer ngu ai panglai lahkawng a lapran kaw dim da ai. 1932 hta madim hpe galaw ngut da ai re.
Netherland mungdan a lamu ga law malawng ngu na gaw panglai hta grau nyem ai shara kaw rai nga ai. Lama ndai madim ni nnga yang Netherland Mungdan gaw hka npu de rai mat na hku rai nga ai.

Nawku na masha ni hpe la jin wa sai Netherland kaw na Nawku jawng

2008-08-05T23:10:00.007+02:00

Tsaw ra ai manaw manang ni, ndai gaw Netherland kaw na tsawm htap la ai Nawku jawng langai re.

Laiwa sai ten ni hta Netherlands masha ni yawng ngu na ram Nawku jawng chye sa ma ai da. Raitim daini na ten hta gaw grai galai shai mat sai.

Nawku jawng chye sa ai masha grai yawm mat ai. Nawku jawng sa ai masha law malawng gaw asak 60 jan gumgai, dingla ni sha re hpe mu lu ai.

Shiga langai kaw hti hkrup dat ai. Ndai mungdan kaw laning mi hta Nawku jawng 70 ram hpe pat kau ra ai nga ka da ma ai. Dai majaw makau mungdan masha ni grai myit npyaw nga ai lam chye lu ai.

The Netherlands has been a Christian country since time immemorial and many people were members of a church. This past decade has seen the rise of something called secularisation. Less and less people go to church. Singer Stef Bos grew up in a protestant family. In this song he sings about heaven, a place he used to believe in but now he doesn't know where it is. This song characterises the distance that many Dutch have from their church and faith.

Prat hkrunlam, hpa-ji hte, na a shawnglam

2008-07-30T16:25:00.008+02:00

Shinggyim masha ni a prat hkrunlam a hpang chyahtum na pan-dung gaw gara kaw ta? Anhte gara shara kaw na yu hkrat wa nna, gara shara de bai wa na ga ta? Karai Kasang hpe teng sha hkap la kam sham nna, Karai Kasang ra ai hku hkan shatup let sak hkrum hkawm sa ai ni a matu gaw mahtai nga na re. Rai tim Karai Kasang hpe nkam sham ai,Karai Kasang hpe nhkap la ai ni a matu chyawm gaw grai htai yak ai ga san rai na re.

Lama nang mungkan ga na, Ja, gumhpraw sut su dik ai rai yang, ten shagu pyaw lu na kun? Ngai gaw nzawn nawn nngai. Matsan tim dai hte maren sha rai na re. Rai tim langai mi gaw nga ai. Na a prat hpe tsawra ai myit, masha wa a mara hpe mara raw dat ya lu ai myit, garum madi shadaw mayu ai myit ni hte gaw gap let ta tut jai lang hkawm sa na gaw grau mai kaja nga ai.

Daini na mungkan a shinggyim pinra hta hpaji gaw madung rai nga ai. Jawng ma prat hpe 20 ning jan grai pyaw ai hku lung lai wa ai hpang she, ngai chye wa ai gaw ndai mungkan hta hpaji langai hte sha gaw awng-dang ai lam ni lu na nre. Dakgasu jawng (university) lu lung ai gaw kaja ai raitim, dai kaw na hpaji hpe tinang gara hku hkaja sharin hkam la lu nna, dai hpaji, tinang a matu gade ram akyu rawng jai lang mai na she grau madung rai nga ai.

Shakut ai. Sanpoi (exams) awng ai hte nngut nga ai. Shani shagu jawng sa na hpaji sharin ai hte maren gaga shinggan hkan na manu dan ai hpa-rat ni hpe mung hkaja mai nga ai. Teng sha ra sharawng ai rai yang, nang hpaji lama mi hpe, shara ra kaw na kaja wa sharin hkam la lu na re.

Hpaji gaw ja gumhpraw tam na matu sha nrai nga ai. anhte a W/P Mungdan shing lam lu na hte grau grau na simsa ai de lahkam sa wa lu na matu mung garum madi shadaw ra nga ai.

Ngai grai na ga ai. Jawngma law malawng tsun chye ai, ndai hpaji (majors) gaw wawra hta grau kaja ai. Ndai she shang gumhpraw grau law lu na re. Computer science gaw Engineering hta grau akyu rawng ai. Ngai zawn nawn ai hpaji yawng gaw kaja ai hkrai rai na re. Madung gaw tinang hkaja taw ai hpe myit lawm ai hte sharin hkam la na she re. Ndai hpaji hpe ngai chye hkra, nlu nmai nsim nsa shakut ai myit bang na shakut ra ai.

Kalang lang tinang hpa myit lawm ai, hpa byin mayu ai ngu hpe dawdan na grai yak nga ai. Ya kan bau na matu galaw taw nga ai bungli hpe tinang kaja sha myit lawm na galaw ai ngu na ntsun lu ai. Dai majaw tinang a matu gara gaw grau grau na kaja ai ngu hpe zai ladat (idea) hpe tam shapraw nna dai hpe myit lawm ai hte hkaja ra nga ai.

Laika hpaji hpe chyu chyu shakut ai hku mung nram shi ai. manaw manang kaja law law lu hkra, Sara/ma ni hte hku hkau hkra, jawng kaw na hpaji, shinggan kaw na hpa-rat, mahkrum madup ndai ni yawng gaw na a shawng-lam kanbau bungli a matu grai ahkyak nga ai.

Kalang lang tinang a shawng-lam a matu grai shakut ai raitim, sa mayu ai pandung de ndu ai sha kaga nre de rai wa chye nga ai. Dai gaw masha shagu ngu na ram, hkrum katut chye ai shingra tara rai nga ai. Tinang myit da-ting da ai hku, byin mayu ai lam ni hkrak tup nbyin wa ai ten, myit ndaw ai sha, matut na atsam htum shakut ra na re.

Tinang du taw ai shara, nga taw ai madang hpe hkap la myit dik ai hte shawng-lam de shanang sa wa u. Na a shawng-lam hta awngdang ai lam lu ai zawn, hkrat sum ai lam ni mung pru wa na re. Dai ni hpe kaja dik ai hku, hparan let hkawn sa chye na gaw nang hkaja nga ai hpaji hta grau manu dan na nhten.

Myit galu ai hte myit hpe azim sha tawn na mai kaja ai prat hkrun-lam de hkawn sa wa ai shaloi yawng pri-nyem mat wa na re. Karai Kasang jaw ya ai anhte shinggyim masha a prat gaw tsawm htap la nga ai, ngu hpe galoi mung myit dum nga ga.